dear blog,
ngayon ko lang narealize na naaassociate ko sa happiness at good feeling ang snow. siguro isa yun sa mga dahilan kung bakit gustong gusto ko ang pelikulang serendipity at sinubaybayan ko ang koreanovelang my girl. syempre idagdag pa dyan na hopeless romantic ako at talaga namang kyut si julian. kita mo naman snow flakes na ang drama ng bago mong header image. hindi ko sinadya yan. feeling ko kasi bagay sa theme na ito ang faded blue kaya naghanap ako ng imahe na may katulad na kulay. ‘yang header na yan ang pumukaw sa atensyon ko. tsaka ko lang narealize na may snow nung naupload ko na.
nagsawa na kasi ako sa dati mong itsura – ang lalaki kasi ng font. tsaka para lang ako nagbabasa ng isang ms word document – puro puti ang nakikita ko. ang totoo nyan minsan natempt akong gawin kang black. ewan ko kung nainggit lang ako sa kulay ng mga ibang blog. pero di ko na rin tinuloy kasi naisip ko rin na itim ang kulay ng rak-en-rol, galit at kadiliman. medyo salungat sa personalidad ko.
pero sa totoo lang, hindi ko alam kung kuntento na ako sa itsura mo ngayon. para kasing ang putla mong tingnan. parang walang kabuhay buhay. minsan gusto kong gumawa ng flicker account o kaya lagyan ng litrato ang lahat ng post ko para magkakulay ka lang. gusto kong makakita ng shades of orange and apple green. maglagay kaya ako ng litrato ng krismas tree? o kaya mistle toe? duh, panindigan ba ang christmas feel.
pasensya ka na tamad talaga ako pagdating sa mga ganitong bagay. ‘di rin kasi ako masyadong magaling magphotoshop. tsaka ko na lang iibahin ang itsura mo kapag nagsawa na ulit ako. sa summer siguro lalagyan ko ng mga bukonut trees, beach at hot babes ang header na ‘yan.
maiba ako. maraming nangyari nitong nakaraang tatlong buwan. kahit ako nagtataka kung bakit hindi ko ‘yon naikwento sa iyo. siguro dahil nagkaroon na ako ng sense of censorship. kahit papaano ay may mga naliligaw din dito. kahit papaano ay sumasagi rin sa isip ko kung ano ang iisipin nila. hindi naman ako nagpapaapekto masyado dun. siguro namimiss ko lang yung dating openess natin sa isa’t isa. totoo rin siguro yung kasabihan na may hangganan ang kalayaan.
marami ring mangyayari sa mga susunod na araw. hayaan mo, babawi ako sa iyo. basta, depende sa mood ko. o pano, makuntento ka muna sa itsura mo ngayon. ciao!