jay

crush no. 2,

nakita kitang may ka-date. kaso lalaki rin. hindi ko alam kung matutuwa ako o malulungkot. nalulungkot ako kasi baka taken ka na. natutuwa ako dahil pwede pala tayo.

sabi ni johan, mukha ka daw bampira. si carol naman napayuck nung tinuro kita. pero ok lang sa akin yun. gustong gusto ko ang mukha mong tamang tama lang ang oiliness, at ang malilibog mong mga mata, at ang buhok mong hindi nagugulo, at ang katawan mong tamang tama lang.

napapansin mo rin kaya ako? lately kasi, kapag tumitingin ako sayo nakatingin ka rin. pagbigyan mo na ako sa ilusyon kong ito, pero feeling ko talaga nilingon mo ako nung time na yun. sobra mo akong pinasaya sa effort mong ipihit ang leeg mo para sa akin. alam mo kasi, mababaw lang ang kaligayahan ko pagdating sa mga ganyang mga bagay. siguro nakyutan ka sa robin hood hat ko with matching feather nung Halloween party namin no? sa pamangkin ko yung kaya maliit sa akin. pero sana sa akin ka na lang nakyutan. pesteng hat yan, kinompetensya pa ako.

siguro favorite mo ang christmas no? october pa lang kasi may maliit na xmas tree na dyan sa cube mo. cute sya. pero mas cute ka pa rin. tsaka napansin kong natuwa ka dun sa christmas lights sa area namin. bigla kang tumakbo at nagpapicture dun nung pinatay yung ilaw. laking pasasalamat ko lang kay joy at dinala nya yun. yun lang pala ang makakasira ng boundaries na naghihiwalay sa lugar nyo at lugar namin.

plano kitang iistalk sa friendster. pero ang dami mo namang kapangalan. sana man lang naglagay ka ng picture. wala ka bang cyber life?

o sya tama na ang ilusyon kong ito. back to reality – hanggang tinginan lang talaga naman siguro tayo.