parang season long task ni Big Brother. ang instruction nya, kailangan ko raw ihelera yung mga dominos sa bahay nya para daw hindi makalat at para na rin hindi ako mahirapang kumilos – mahirap kasi pag pakalat kalat ang mga dominos. pag natapakan ko yun, baka madulas pa ako. mahirap na. gusto lang daw nyang siguraduhin ang kaligtasan ko. pero dahil hindi naman natural sa akin ang paghilera ng mga dominos, ang sabi ko sa kanya gagawin ko iyon kapalit ng isang reward. wala naman talaga akong natanggap na confirmation pero feeling ko ibibigay naman nya yun – hindi naman sya maramot. kaya pinagtyagaan kong ihelera isa isa ang mga yun. minsan nakakasawa na. mas madali kasing manira kaysa mag-ayos. hanggang hindi ko na namalayan na marami na pala akong nagawa. tama nga si Big Brother, mas maganda kung hindi pahalang halang ang mga dominos para mas maaliwalas ang bahay.
Siguro natuwa na rin sya sa nagawa ko at hindi ko inaasahan na ibinigay nya sa akin ang reward na hinihingi ko. ayos talaga ‘tong si Big Brother, hindi sumisira sa mga pangako nya. nakuha na nya ang loob ko, mabait naman kasi talaga. pero hindi ko sya nakikita at may mga panahong nabobore na akong maghilera ng mga domino. may mga panahon na hindi ko na ito binabantayan. masaya na ako at nakuha ko na ang gusto ko, good shot pa ako sa Kanya. kaya ayun, nanginig ang kamay ko sa ginaw nang umihip ang hangin. nagtumbahan lahat ng domino. nakakalungkot kasi ang gulo gulo na naman. tsaka ako ang sumira sa kasunduan namin – yun lang naman ang hiningi nya sa akin.
kaya maiintindihan ko po kung magagalit kayo sa akin. sana ‘wag nyo pong isipin na user ako – tao lang po at minsan gumagana rin ang animal instinct. sori talaga. sana wag po akong maevict.
ang hirap uli ihilera although mayroon naman na hindi natumba. mas katanggap tanggap kasi ayusin ang ‘total mess’ kaysa sa partially destroyed. parang natetempt tuloy akong guluhin na lang uli total gulo gulo na naman e. eto ang mahirap – ang magsimula uli

ahaha. tinatry ko ang signature.